30 მარტს, 13 სთ-ზე თბილისის
სასულიერო სემინარიასა და აკადემიაში ჩატარდა სტუდენტთა მორიგი
სამეცნიერო კონფერენცია. კონფერენციის პირველ დღეს გაიმართა პლენარული
სხდომა. სხდომა გახსნა რექტორმა, პროტოპრესვიტერმა გიორგი
ზვიადაძემ.
სამუშაო გეგმის მიხედვით პლენარულ
სხდომაზე შემდეგი მომხსენებელი გამოვიდნენ:
მირანდა ესართია (ქრისტიანული
ფსიქოლოგიის ფაკ. IVკ.) – უწმინდესი და უნეტარესი ილია მეორე ბავშვთა
აღზრდის შესახებ (ხელმძღვანელი დოქტორანტი გიორგი ჯულაყიძე);
მღვდელი ნიკოლოზ სხულუხია
(აკადემიის III კ.) – წმინდა იოანე სინელი განსჯის შესახებ
(ხელმძღვანელი პროფ. დეკანოზი მაქსიმე ჭანტურია);
თეოლოგიის მაგისტრი კახა
შჩერბაკოვი – ეკლესიის სატფურებათა წესი ძველ ქართულ ლიტურგიკულ
ძეგლებში (ხელმძღვანელი პროფ. ლელა ხაჩიძე);
გაგი ღავთაძე (სემინარიის IV კ.) –
წმინდა მოციქულების – პეტრესა და პავლეს ერთი ცხოვრებისეული ეპიზოდის
განმარტებანი (გალატელთა მიმართ ეპისტოლის მიხედვით) (ხელმძღვანელი
დოქტორანტი გიორგი თოდუა);
ლევან ხატიაშვილი (ქრისტიანული
ხელოვნებათმცოდნეობის ფაკ. IVკ.) – ისიხაზმის როლი ადამიანის
განღმრთობაში წმ. გრიგოლ პალამას მიხედვით (ხელმძღვანელი თეოლოგიის
დოქტორი გოჩა ბარნოვი);
მარიამ ჭეხაშვილი (ქრისტიანული
ხელოვნებათმცოდნეობის ფაკ. IVკ.) – ეთნოგრაფ სერგი მაკალათიას
მოღვაწეობის ისტორიიდან (ხელმძღვანელი პროფ. ელდარ
ბუბულაშვილი);
გიორგი გელაშვილი (სემინარიის I
კ.) – მაცხოვრის სწავლება ლოცვის შესახებ (ხელმძღვანელი პროფ.
დეკანოზი გიორგი გუგუშვილი).
