გასვლითი ლექცია

29 მაისს თბილისის სასულიერო აკადემიასა და სემინარიაში მიმდინარე სასწავლო წლის სალექციო პროცესი დასრულდა. საქართველოს ისტორიის კათედრის ხელმძღვანელმა, ისტორიის მეცნიერებათა და თეოლოგიის დოქტორმა, პროფესორმა სერგო ვარდოსანიძემ სემინარიის ფაკულტეტის I კურსის სტუდენტებს საქართველოს ისტორიის სალექციო კურსის დასკვნითი ლექცია ორთაჭალაში, 300 არაგველის მემორიალთან ჩაუტარა. ლექცია შეეხებოდა XVIII საუკუნის მიწურულის ტრაგიკულ მოვლენებს საქართველოში, კერძოდ კრწანისის ბრძოლას, რომელშიც გმირულად დაეცნენ არაგველები.