ვაჟა-ფშაველას ექსპონატებთან
შეხებამ, ფშავის ბუნების დიდებულებამ ვაჟას
მხატვრული სამყარო გაგვიცოცხლა, პერსონაჟების კვალდაკვალ გვამოგზაურა,
ვაჟას სამყაროსთან გენეტიკური და სულიერი კავშირი გვაგრძნობინა -
სიამოვნებით აღნიშნავდნენ სტუდენტები.
ფშავში მოგზაურობისას სტუდენტებმა
მოინახულეს ცნობილი სახალხო მთქმელისა და ანტისაბჭოთა პარტიზანული
მოძრაობის მონაწილის, ,,შეფიცულთა რაზმის“ წევრის მიხა
ხელაშვილის საფლავი. სტუდენტებმა ლაშა ზაალიშვილის ლოტბარობით
პოეტის სულის საოხად საგალობლები აღავლინეს და ამით
დაადასტურეს კიდეც თავისი სიყვარული და პატივისცემა ტრაგიკულად
დაღუპული გმირის მიმართ.
მოგზაურობა ჩარგალში სტუდენტებისა
და პედაგოგებისთვის ერთი მნიშვნელოვანი - ემოციებითა და
შთაბეჭდილებებით აღსავსე დღე იყო.
