თბილისის სასულიერო აკადემიისა და სემინარიის საზოგადოებასთან ურთიერთობის სამსახურის წარმომადგენელთა შეხვედრა სასწავლებლის სტუდენტებთან

    2019 წლის 23 ოქტომბერს, ხუთშაბათს, თსას-ის საზოგადოებასთან ურთიერთობის სამსახურმა ინფორმაციული შეხვედრა გამართა სასწავლებლის საეკლესიო არქიტექტურის, ხატწერის, დაზგური და მონუმენტური ხატწერის რესტავრაციის ფაკულტეტის სტუდენტებთან. 
    სამსახურის უფროსის მოადგილემ, თეოლოგიის დოქტორმა, ბატონმა ცოტნე ჩხეიძემ სტუდენტებს გააცნო სამომავლო გეგმები და პერსპექტივები. მისი თქმით, უკანასკნელ პერიოდში თსას-ის სამეცნიერო-საღვთისმეტყველო პოტენციალი არაერთგზის წარმოჩნდა საზოგადოების წინაშე, თუმცა აღნიშნულ სასწავლებელში სწავლა სხვა კუთხითაც საინტერესო და პერსპექტიულია. ბატონმა ცოტნემ აღნიშნა, რომ თსას-ის და, კერძოდ, ზემოაღნიშნული ფაკულტეტის სტუდენტებს საკმაოდ დიდი შემოქმედებითი უნარი და პოტენციალი აქვთ, რაც სასწავლებლის აკადემიური პერსონალის ან მის გარეთ მყოფი ექსპერტების შეფასებით არ უნდა შემოიფარგლოს. საზოგადოებასთან ურთიერთობის სამსახური თსას-ის ხელმძღვანელობის ხელშეწყობით იზრუნებს სასწავლებლის სტუდენტების პოტენციალის წარმოჩენასა და მათი ნამუშევრების პოპულარიზაციისთვის.
    შეხვედრის შემდეგ არაერთმა სტუდენტმა გამოთქვა აღნიშნული კუთხით საზოგადოებასთან ურთიერთობის სამსახურთან უფრო აქტიური თანამშრომლობის სურვილი. 
 
24.10.2019

მსგავსი სიახლეები

დეკ 25
თბილისის სასულიერო აკადემიისა და სემინარიის გამომცემლობის დირექტორმა, ფილოლოგიის მეცნიერებათა დოქტორმა, პროფესორმა ნინო მელიქიშვილმა აღნიშნა, რომ უწმინდესმა და უნეტარესმა ილია II-მ ფაქტობრივად ნანგრევებიდან აღადგინა ჩვენი ეკლესია და ისეთი სიძლიერე შესძინა მას, რომ დღეს ის არის ბურჯი ჩვენი სახელმწიფოებრიობისა. დიდი წვლილი მიუძღვის მის უწმინდესობას თბილისის სასულიერო აკადემიისა და სემინარიის დაარსებაში (აქ ამბობს, რომ იგი იყო პირველი რექტორი, რაც შეცდომა მგონია, ამიტომ გამოვტოვე), რომელიც დღესაც მის მიერ დასახული გზით მიდის.
დეკ 25
თბილისის სასულიერო აკადემიის დეკანმა, დეკანოზმა იოანე კვანჭიანმა მიულოცა უწმინდესსა და უნეტარესს, სრულიად საქართველოს კათოლიკოს-პატრიარქს საიუბილეო თარიღი და უსურვა ხანგრძლივი სიცოცხლე მას და, მისი ლოცვა-კურთხევით, მთელ ერს!
 

FaceBook გვერდი