საერთაშორისო სამეცნიერო კონფერენცია, ბათუმის შოთა რუსთაველის სახელმწიფო უნივერსიტეტში



2019 წლის 11-13 ოქტომბერს ბიზანტინოლოგთა საერთაშორისო ასოციაციის საქართველოს ეროვნული კავშირის, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის, ილიას სახელმწიფო უნივერსიტეტის აკად. გ. წერეთლის აღმოსავლეთმცოდნეობის ინსტიტუტის ბიზანტინოლოგიის განყოფილებისა და ივანე ჯავახიშვილის სახელობის თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის ორგანიზებით, ბათუმის შოთა რუსთაველის სახელმწიფო უნივერსიტეტში გაიმართა საერთაშორისო სამეცნიერო კონფერენცია – ბიზანტინოლოგია საქართველოში – 5 თემაზე: „შავი ზღვა და შავიზღვისპირეთის ქვეყნები – კულტურათა და ცივილიზაციათა გზაჯვარედინი IV-XV საუკუნეებში”. აღნიშნულ კონფერენციაში მონაწილეობა მიიღეს თბილისის სასულიერო აკადემიისა და სემინარიის თანამშრომლებმა: ფილოლოგიის დოქტორმა ქეთევან მამასახლისმა და დეკანოზმა გიორგი ბერიშვილმა. კვლევა განხორციელდა თბილისის სასულიერო აკადემიისა და შოთა რუსთაველის ეროვნული სამეცნიერო ფონდის ერთობლივი ფუნდამენტური გრანტის საფუძველზე (№ FR–18-1209).
მათ წარმოადგინეს შემდეგი მოხსენებები:
  • წმ. ამონ ნიტრიელის „სწავლათა“ ძველი ქართული თარგმანი, როგორც სამონასტრო წეს-განგების წინამორბედი (მომხსენებელი ქეთევან მამასახლისი);
  • ტერმინ „პირის განჩემების (ჩემების)“ საღმრთისმეტყველო მნიშვნელობა წმ. სოფრონ იერუსალიმელის ნათლისღების ჰომილიებში (მომხსენებელი დეკ. გიორგი ბერიშვილი).
21.10.2019

მსგავსი სიახლეები

დეკ 25
თბილისის სასულიერო აკადემიისა და სემინარიის გამომცემლობის დირექტორმა, ფილოლოგიის მეცნიერებათა დოქტორმა, პროფესორმა ნინო მელიქიშვილმა აღნიშნა, რომ უწმინდესმა და უნეტარესმა ილია II-მ ფაქტობრივად ნანგრევებიდან აღადგინა ჩვენი ეკლესია და ისეთი სიძლიერე შესძინა მას, რომ დღეს ის არის ბურჯი ჩვენი სახელმწიფოებრიობისა. დიდი წვლილი მიუძღვის მის უწმინდესობას თბილისის სასულიერო აკადემიისა და სემინარიის დაარსებაში (აქ ამბობს, რომ იგი იყო პირველი რექტორი, რაც შეცდომა მგონია, ამიტომ გამოვტოვე), რომელიც დღესაც მის მიერ დასახული გზით მიდის.
დეკ 25
თბილისის სასულიერო აკადემიის დეკანმა, დეკანოზმა იოანე კვანჭიანმა მიულოცა უწმინდესსა და უნეტარესს, სრულიად საქართველოს კათოლიკოს-პატრიარქს საიუბილეო თარიღი და უსურვა ხანგრძლივი სიცოცხლე მას და, მისი ლოცვა-კურთხევით, მთელ ერს!
 

FaceBook გვერდი