რევაზ თაბუკაშვილის დოკუმენტური ფილმის „საქართველოს მეჭურჭლეთუხუცესის“ ჩვენება

თბილისის სასულიერო აკადემიისა და სემინარიის ქართული ენისა და ლიტერატურის კათედრა აგრძელებს შემეცნებით-საგანმანათლებლო ღონისძიებებს. ამ მიზნით წელს დაიგეგმა დოკუმენტური ფილმების სერიის შეთავაზება ახალგაზრდებისათვის. 8 ოქტომბერს პირველ სეანსზე წარმოდგენილი იყო რევაზ თაბუკაშვილის დოკუმენტური ფილმი „საქართველოს მეჭურჭლეთუხუცესი“. ფილმი ეძღვნება ექვთიმე თაყაიშვილის - ექვთიმე ღვთისკაცის ცხოვრებასა და ემიგრაციაში გატანილი ქართული საგანძურის გადასარჩენად მისგან გაწეულ ღვაწლს. „ეს ფილმი მცირე რამ გახსენებაა ექვთიმე თაყაიშვილის ლტოლვილობის წლებისა. ჩვენ არც გვიცდია, შევჭიდებოდით მისი უკიდეგანო, ვერდასატევი და ვერასაწონი ნაღვაწის სრულყოფილ წარმოჩინებას“, - აღნიშნავს რეჟისორი. ეს კინოჩვენებაც „მცირე რამ“ ცდაა ჩვენი სასწავლებლის სტუდენტების თვალსაწიერის გაფართოებისა, ჭეშმარიტად განათლებული სასულიერო დასის მომზადების საქმეში ხელშეწყობისა.
08.10.2019

მსგავსი სიახლეები

ოქტ 10
გახდი SKYE CLUB-ის წევრი!

ადგილმდებარეობა: თბილისი, ბაკურციხე
პატრიარქის ფონდისა და World Vision საქართველოს მიერ 2016-2019 წლებში წარმატებით განხორციელდა SKYE პროგრამა. პროექტი გრძელდება და
ცხადდება მიღება ახალი SKYE (Skills and Knowledge for Youth Economic Empowerment) კლუბების წევრების მიღებაზე!

FaceBook გვერდი